Laugardaginn 19. apríl sl. útskrifuðust í fyrsta skipti hér á Vesturlandi 23 nemendur frá Grunnmenntaskólanum sem var starfræktur í Fjölbrautaskóla Snæfellinga af Símenntunarmiðstöð Vesturlands. Verkefnastjóri var Barbara Fleckinger.

Á bak við námið voru 300 kennslustundir og hófst námið þann 8. október sl. Námið samanstóð aðallega af grunnnámi fyrir framhaldsskóla. Margar af félagskonum í SDS voru meðal þeirra sem útskrifuðust og komu þær af öllu Nesinu þó svo að veðurguðirnir hafi alls ekki unnið með þeim í vetur.

Ég get, ég vil, ég skal - ég blómstra! var það slagorð sem nemendur bjuggu sjálfir til og gefur okkur góða mynd af þeirra einhug í verki.

Stjórn SDS vill nota tækifærið og óska þeim öllum innilega til hamingju með þennan áfanga í þeirra lífi með hvatningarorðum til frekari ávinninga í námi.

BSRB hvetur til þess að þegar í stað hefjist viðræður við fjármálaráðuneytið um skammtímasamning. Þetta kemur fram í ályktun sem BSRB sendi frá sér í dag. Í ályktuninni ítrekar stjórnin mikilvægi þess að kjör innan almannaþjónustunnar verði stórbætt. Svo er komið að mjög víða er þar við alvarlega manneklu að stríða sem rekja má til bágra kjara og er brýnt að taka af alvöru á þeim vanda.