Ágætu SDS félagar

Höfum náð góðum samning við Hótel Reykjavík að  Rauðarárstíg 37.

SDS niðurgreiðir að auki fyrir félagsmenn sína!                

Hótel Reykjavík er aðlaðandi og nútímalegt fyrsta flokks hótel í hjarta Reykjavíkur. Þaðan er stutt að ganga hvort sem er í gamla miðbæinn, Kringluna eða Perluna. Einnig er Hlemmur á næsta leiti og þaðan eru strætisvagnaferðir í allar áttir, auk þess sem stutt er að fara á innanlandsflugvöllinn og B.S.Í.

Hótelið býður uppá vinalega og góða þjónustu og rólegt andrúmsloft. Á hótelinu eru 78 þægileg herbergi, þar á meðal svítur og fjölskylduherbergi. Herbergin eru hlýleg, með baði og/eða sturtu, minibar, síma, gervihnattasjónvarpi, útvarpi, hárþurrku og svo framvegis. Svíturnar og fjölskylduherbergin eru á tveimur hæðum, svefnherbergin eru uppi en rúmgóð setustofa á neðri hæð. Einnig er boðið uppá reyklaus herbergi. Bílageymsla hótelsins stendur gestum okkar til boða.

Á hótelinu eru tveir góðir veitingastaðir og boðið er uppá morgunverðarhlaðborð á hverjum morgni. Okkar rómaði hótelbar er að sjálfsögðu opinn á hverju kvöldi. Margir af áhugaverðustu stöðum borgarinnar eru í næsta nágrenni við hótelið og ýmis söfn innan seilingar.

 Samningurinn er þó bundinn við vetrartímann þ.e. frá  1.október- 30.apríl ár hvert.

Félögum er bent á að panta miða hjá  Ástu Dóru í síma 433-6900 með viku fyrirvara sem hún svo sendir til ykkar í pósti eftir að greiðsla hefur farið fram og félagsmaður afhendir við innritun. Félagsmenn sjá sjálfir um að panta gistingu á hótelunum.