Formlegar sameiningarviðræður framundan hjá SDS, FOSS og STH 

Stjórnir Starfsmannafélags Hafnafjarðar , Félags Opinberra Starfsmanna á Suðurlandi og Starfmannafélag Dala- og Snæfellssýslu funduðu á fimmtudaginn var í Hafnarfirði og ákváðu að fara í formlegar viðræður með það að markmiði að sameina félögin. Var formönnum félaganna veitt fullt umboð til að fara í skipulagða undirbúningsvinnu að sameiningu félaganna. Félagsmenn munu fá að taka þátt í þessari hugmyndavinnu eins og kostur er og viljum við gjarnan fá að heyra ykkar skoðanir. Ekkert verður svo endanlega ákveðið fyrr en á aðalfundum félaganna.
Í  yfirlýsingu  stjórna STH, FOSS og SDS sem gerð var á fundinum  standa þessi orð:

Það er trú okkar að með sameiningu þessara félaga sé stigið mikið heilla spor fyrir félagsmenn félaganna.

Byggjum nýtt Ísland!

"Eldar loga á Íslandi, jafnt í náttúrunni sem hjá almenningi. Niðurstöður skýrslu rannsóknarnefndar Alþingis um aðdraganda og orsakir falls íslensku bankanna kynda nýja elda hjá þjóðinni. Þar er skjalfest hvernig þröngur hópur siðblindra einstaklinga fór ránshendi um þjóðarbúið án þess að stjórnvöld og eftirlitsaðilar gerðu neitt til að koma í veg fyrir það, þrátt fyrir viðvaranir. Þjóðin stendur frammi fyrir afleiðingum þeirrar hömlulausu trúar á einkaframtakið sem byrjað var að predika á tíunda áratug síðustu aldar og náði hámarki með einkavinavæðingu bankanna í byrjun þessarar aldar." Þannig hefst 1. maí ávarp Fulltrúaráðs verkalýðsfélaganna í Reykjavík, BSRB, BHM, KÍ og Sambands íslenskra framhaldsskóanema.

Sjá nánar

1.MAÍ SAMKOMUR 2010 

VERÐA Á EFTIRTÖLDUM STÖÐUM 

Snæfellsbær:Félagsheimilinu  Klifi kl. 13:30 

Grundarfjörður: Samkomuhúsinu kl. 14:30 

Stykkishólmur: Hótel Stykkishólmi kl. 15:00 

Dalabyggð: Dalabúð kl. 15:00 

Ræðuhöld, skemmtidagskrá og kaffiveitingar. 

Starfsmannafélag Dala og Snæfellsnessýslu, Verkalýðsfélag Snæfellinga og

 Stéttarfélag Vesturlands 

Félagar eru hvattir til að mæta og sína samstöðu á baráttudegi verkalýðsins.